【專業追藍眼淚】達人帶你另類遊馬祖

而家好多地方都睇到藍眼淚,但台灣馬祖嘅藍眼淚就曾被CNN選為「世上15個不得不看的自然奇觀」之一,亦係睇得最多、最壯觀地方,但要捕捉奇景最美一刻唔係容易,風向同月光會影響視覺效果,所以有在地人周小馬以及香港專業攝影師公會攝影師Carl Tsang帶路就一定冇走寶!

Carl Tsang 係香港專業攝影師公會會員,亦係台灣觀光局香港辦事處合作攝影師。5年前因工作機會到訪馬祖,首次遇上藍眼淚,令佢一生難忘,自此對呢個地方情有獨鍾,連同好友 - 馬祖居民周小馬組團晚晚追淚。除咗藍眼淚仲帶你訪尋馬祖四島,一覽戰地景觀、海岸地質、自然生態等,呢兩個最強「護法」會帶大家睇咩呢?詳情:http://bit.ly/34WO1td

Capture

(photo by ctphotography.hk)

藍眼淚係夜間限定活動,而日間馬祖又係點呢?因為地理上鄰近中國,所以喺台灣當年最重兵嘅地方,自80年代戰事開始平息,不過仍隨處見到反共標語以及完好保留嘅軍用基地、武器等,各分怖於南竿、北竿、西莒、東莒,經過時日變遷,馬祖只留下寧靜小村落嘅一面。

#南竿 -了解馬祖軍事的第一步

123

(photo by ctphotography.hk)

枕戈待旦紀念公園:南竿島上最顯眼嘅地標 - 白底紅字「枕戈待旦」,意思指軍人每日抱着武器休息直到天光,係先總統蔣公親筆提字,可以想像到當年駐守於此嘅士兵每晚都過住提心吊膽嘅生活。

789

(photo by ctphotography.hk)

馬祖酒廠(八八坑道)

八八坑道原本係軍民躲避海盜嘅山洞,後期變成戰備坑道,而家已經失去軍事價值,但因為冬暖夏涼,溫度長期維持於 18 度左右,加上適當濕度,成為釀酒好地方,所以嚟到馬祖記得買枝酒做手信

# 北竿: 隱世村落聚腳點

741

(photo by ctphotography.hk)

芹壁聚落:又稱馬祖地中海,村落建築為保持得最完整、最具代表性嘅閩東文化,而家已經變成民宿/藝文空間;岩礁四周海水湛藍,真係有置身愛琴海嘅感覺。

FileArtPic 1

橋仔聚落 :呢到曾經係北竿人口最多嘅地方,屬典型漁村,由於位於山谷內,谷地經雨水切割形成山溝,令村內到處出現小橋流水嘅蹤影,簡直就係世外桃源。

#東莒:令人置身異國的浪漫

FileArtPic 2
東莒燈塔 :早於1872年建造,亦係台灣第1座使用花崗岩建造嘅燈塔,係國家二級古蹟。純白燈塔佇立於綠油油嘅山巔上,一秒以為自己去咗外國,夜晚同日間睇都別有一番風味。

西莒: 睇罕有自然奇景

963

(有客路,周小馬拍攝)

坤坵方塊海:好多人為睇方塊海,慕名遠飛法國南部,原本馬祖都有!坤坵沙灘同蛇島之間因為地形同海流關係,海浪由不同方向交匯,因而形成一格格方塊形海浪,只有西莒島先睇到,配合埋天時地理人和,晚間仲有機會睇到藍眼淚方塊海

852

(有客路,周小馬拍攝)

有容路:長約 500公尺嘅道路兩旁遍植榕樹,榕樹枝葉向外伸出,變身成為綠色隧道,好多人都會特意嚟呢到打卡,夠晒夢幻。

番外篇:大坵島

753

(photo by ctphotography.hk)

估唔到睇梅花鹿唔駛去奈良,呢到啲鹿通山跑,而且唔怕人較溫馴 (當然仍然有佢潛在攻擊性),但其實佢哋唔係島上原生動物,戰時為咗馬祖可以自給自足,向圓山動物園要了10多隻梅花鹿,希望透過繁殖成為長期備戰食糧,直到終止計劃,將梅花鹿放到大坵島上自由生活。

估唔到馬祖日頭夜晚都咁多嘢玩!仲有好多景點未能盡錄,想知更多神秘打卡位,一於連同2位馬祖達人,2020年5月20日出發,6天 $10899起

詳情:http://bit.ly/34WO1td


熱門城市