「旅」友大不同 ‧ 一樣玩盡韓流

唔同人有唔同嘅旅行方式,您身邊嗰個「旅」友唔同,計劃去邊個景點、交通方式、旅遊玩法都好唔一樣,但要搵個啱唔同人去嘅目的地都唔係咁易,而韓國就係其中一個值得推介之選!即睇唔同組合嘅「旅」友可以點玩盡韓流!

 

1. 當您嘅「旅」友組合係…一家人

去韓國絕對唔係年輕人嘅專利,大大小小嘅主題樂園、水族館好啱親子去放電,以下推介4個親子熱門旅遊點!

樂天世界LOTTE World

LOTTE WORLD

位於首爾嘅樂天世界LOTTE World,就喺地鐵2號線嘅蠶室站,分成室內園區及戶外園區。

LOTTE World Aquarium 2

仲有樂天世界水族館LOTTE World Aquarium,增加小朋友對海洋世界嘅知識。當中最精彩就係呢條小白鯨,非常之可愛!

喜歡購物嘅爸爸媽媽可以去埋LOTTE World Mall,入面有LOTTE MART,玩+行足一日!

愛寶樂園EVERLAND

愛寶樂園Everland

另一個熱門樂園就係位於首爾近郊京畿道嘅愛寶樂園,結合休閒、娛樂、教育和文化於一身。

由環球市集、美洲探險、魔術天地、歐洲探險及野生動物園共五種主題園區所組成,樂園大到玩一日都未必夠時間呀。園區內更有近距離觀賞野生動物嘅體驗,如長頸鹿及熊等。

指定套票包埋Shuttle Bus由首爾指定地點往返樂園,非常方便,唔怕交通唔熟路!

義王旺松湖鐵軌自行車

旺松湖 3

義王鐵軌自行車(Rail Bike)係目前韓國唯一嘅環湖鐵道自行車,原本係用於鐵路維修時嘅移動工具,近來先發展成為一種旅遊活動。

旺松湖

玩Rail Bike環湖一圈約需一小時,路途設有花卉隧道、鳥類生態區、攝影區、噴泉隧道等,同小朋友邊踩邊欣賞湖景,盡享親子時光!

 

2. 當您嘅「旅」友組合係…銀髮族

老人家有得坐梗係唔想行啦,但個心又想去遠啲、睇多啲城市以外嘅景點,所以最好就係參加一天遊/包車遊,慳返腳骨力又唔駛自己搵路!

 

濟州城山日出峰 + 牛島一天遊

出名自然風景靚嘅濟州,有唔少世界自然遺產,而城山日出峰係必去景點!

 

城山日出峰

城山日出峰

由10萬年前海底火山爆發而形成,更被列入UNESCO世界自然遺產!

 

牛島

Webp.net resizeimage 1

連韓國人都鍾意去嘅小島,因地形好似一頭臥牛而命名。島上有韓國唯一由珊瑚沙而組成嘅西濱白沙海岸、黑沙海邊、下古水海水浴場等絕美海景。

而家尊享城山日出峰 + 牛島一天遊,包埋交通、船程,仲請您食一杯牛島特產花生雪糕!

 

包車遊釜山 + 慶州

覺得Join一天遊都未夠,想輕鬆啲再玩多幾個景點,直情就以包車遊方式咁玩啦!

釜山同慶州兩個地方都比較多歷史、文化景點,坐車遊覽建議行程又夠彈性。

 

甘川洞文化村

Webp.net resizeimage

擁有韓國聖托里尼、樂高村等眾多美譽嘅甘川洞文化村,沿著山路起咗一幢幢唔同顏色嘅小屋, 好似童話故事咁!

 

五六島天空步道

56 2

五六島因角度與海水潮汐之故, 有時睇係5個島、有時係6個島而得名。天空步道呈U字形,行上透明嘅步道,腳下絕美海景一覽無遺。

 

慶州歷史遺址區(UNESCO世界文化遺產)-瞻星臺、大陵苑

瞻星臺

瞻星臺係東方現存最古老嘅天文臺,而大陵苑係新羅時代古墳聚集之地,有王、王妃、貴族嘅23座陵寢,可以睇到好似山丘一樣咁巨大嘅古墳。

 

3. 當您嘅「旅」友組合係…閨蜜3人行

同閨蜜去旅行最重要唔少得打卡呃like、Shopping、食Tea又相機食先等嘅指定動作啦!

要住得方便、住得夠潮,住明洞、弘大係不二之選!

Peninsula Italian Restaurant and Bar

特別推介入住明洞LOTTE Hotel Seoul,可以去酒店打卡熱點Peninsula Italian Restaurant & Bar呃like,又或者去榮獲2019年米芝蓮餐盤評級嘅日本料理MOMOYAMA。

RYSE Autograph Collection

鍾意去Café 坐低hea吓,住喺弘大區就至啱!2018年4月先開嘅RYSE, Autograph Collection係Marriott集團旗下,行5分鐘就到弘大地鐵站,酒店餐廳Long Chim同樣榮獲2019年米芝蓮餐盤評級!

 

4. 當您嘅「旅」友組合係…貴婦

貴婦們去旅行追求Relax、歎嘅Moments,享受嘅Spa自然要「高人一等」!

呢度嘅「高人一等」唔淨止講緊SPA嘅高質素服務,仲係講緊居「高」臨下嗰隻「高」呀!源自於法國嘅evian SPA SEOUL位於樂天世界塔嘅86樓,俯瞰住首爾靚景做SPA,心情靚啲,護膚、療癒效果自然加倍!

evian SPA SEOUL

evian SPA SEOUL 2

品牌靈感源自阿爾卑斯山嘅高山純淨,5千幾呎水療中心內有6間理療間,等您享受私人空間,亦有Sauna、Jacuzzi、泳池等設施。

除咗精緻嘅水療體驗,您仲可以於Guest Lounge舒服咁Hea 吓,享用飲品、水果、小食等,完全放鬆!

想揀返個啱同「旅」友去嘅韓國之旅,額外尊享樂園門票 / 包車遊 / 餐飲優惠,撳入嚟喇→http://bit.ly/2XZxYqH

 

鳴謝:韓國觀光公社 Imagine your Korea 0717 white


熱門城市