九州佐賀 悠閒X文青

好多香港人飛日本就如「返鄉下」,去得大城市太多都會悶,佐賀縣位於九州西北部,界於長崎縣同福岡縣之間,自駕暢遊三縣,車程平均兩小時內,除咗自駕遊玩北九州,又可以嚟個悠閒同文青之旅

悠閒
想放鬆一下,秋最啱溫泉,溫泉遍佈全九州,每個縣各有特色,佐賀嬉野溫泉係日本三大美肌溫泉之一,浸完溫泉,食埋佐賀三大美食就錦上添花

saga1

嬉野溫泉聞名全國,已有1300 年歷史,含豐富碳酸氫鈉,可去除角質層,柔滑肌膚

beef2

佐賀牛係極品黑毛和牛,脂肪如雪花般分佈均勻,肉香濃厚,入口即溶。

 saga3

溫泉湯豆腐以嬉野溫泉水烹調,溫泉水嘅成分令豆腐融化,口感滑嫩,湯汁亦會變成乳白色,好似豆漿一樣。仲可以配上當地名產嬉野茶,蒸製玉綠茶連續5年獲「農林水產大臣賞」和「產地賞」。

 saga4

唐津市嘅呼子係日本數一數二嘅魷魚產地,呼子魷魚通透亮澤,愈透明代表愈新鮮,用作做刺身和天婦羅。

景點方面,推介去武雄御船山樂園,佔地五十萬平方米,可以慢慢行,影靚相,秋季賞日本最大規模夜楓點燈,由朝睇到晚,記得留意一棵樹齡逾 170 年嘅大紅葉,如果春天去,可以賞20萬多杜鵑、2000多棵櫻花等,藏花量豐富。

saga9

 

文青
佐賀作為陶瓷之鄉,有田燒(伊萬里燒)係日本最早的瓷器,有400年歷史,以陶石作原料,初期風格為白底藍花,類似中國嘅青花瓷,後來加上黃、綠、紅等顏色,當年外銷歐洲好受歡迎。

文青遊第一站可以去有田瓷器公園,走進廣場見到德國風格嘅宮殿「茨溫格爾宮」,好似去咗歐洲,入面展示好多華麗陶瓷珍品,當中有田燒青瓷大花瓶最值得睇,曾經喺維也納萬國博覽會展出過。

saga5

saga6

仲可以體驗有田燒DIY,動手繪製花紋或輪軸製作(圖),工房仲可安排寄回家,留作紀念。

同樣位於有田嘅「Gallery有田」cafe,陳列約2000隻有田燒杯,可以俾你自己揀一隻,於café內歎咖啡、紅茶。 saga7

 

佐賀近年人氣景點-武雄市圖書館,於2013年重新開幕,武雄市與TSUTAYA蔦屋書店和星巴克合作,有賣書、星巴克咖啡及出租DVD,設計俾你舒適閱讀,仲可以邊歎咖啡邊睇書,各位文青仲唔去朝聖!

saga8

 

特別活動

1.【國際盛事】佐賀國際熱氣球節(31/10至04/11/2018)
日本最大型嘅熱氣球國際大會,來自世界各地過百個氣球同時升空,想像一下都知有幾壯觀,仲有卡通主角嘅得意造型登場,會場亦有美食攤位、煙花、音樂演奏等。

saga10

 2.【蠔季必去】燒蠔即買即燒

太良町海邊大部份燒蠔小屋只在蠔季10月至3月營業,你可品嚐蠔最原始嘅鮮甜美味,仲有竹崎蟹、魷魚、海螺等,即買即燒,價錢親民,用1000日元買到一大盤蠔。

saga11

推介套票

1.品嚐佐賀三大美食 4晚 $5799起

 詳情:http://bit.ly/2y71Nuh

2晚福岡 + 1晚佐賀嬉野溫泉 + 1晚佐賀市中心/唐津市
嬉野溫泉早餐享溫泉湯豆腐,佐賀牛陶板燒晚餐*,50分鐘私人家族風呂體驗*
如入住唐津住宿享唐津魷魚 + 佐賀牛會席晚餐

2.北九州自駕(福岡/佐賀/長崎) 4晚 四人同行每位$8099起

詳情: http://bit.ly/2yabg3Z

包4日3夜租車連升級保險
1晚福岡 + 1晚長崎稻佐山溫泉酒店 + 1晚雲仙溫泉 + 1晚佐賀嬉野溫泉
嬉野溫泉享溫泉湯豆腐 + 佐賀牛Shabu Shabu會席晚餐,嬉野溫泉化妝水及嬉野茶禮盒套裝*
雲仙溫泉早報名享長崎和牛會席晚餐

*佐賀縣觀光連盟送出,數量有限,先到先得

出發日期:即日至31/3/2019


熱門城市