芬蘭必做7件事 – 北極光追蹤 +破冰船大冒險!

「有咩幸福得過,同自己嘅愛人去 芬蘭 睇北極光?就係去多一次!」我Travel佳個老死阿明,聽完我咁講,就即刻拉咗女朋友去芬蘭。去完仲對芬蘭念念不忘,搞到年年都去,年年都好幸福。如果你都想去芬蘭幸福一下,但又唔想自己預訂當地啲local tour咁麻煩,最好就係買package喇,一嚟包晒所有嘢,二嚟又可以跟住推介活動玩,玩得pro好多!我上次就係join咗安運旅遊個芬蘭冬日套票,玩晒玻璃屋睇北極光、激坐破冰船,同試坐馴鹿拉車等,做盡芬蘭必做7件事,過一個難忘冬日旅程!

 

1住玻璃屋睇北極光

講到芬蘭必做7件事,排第一嘅當然係入住圓頂玻璃屋睇北極光啦!位於芬蘭北面嘅Lapland 拉普蘭,出名人煙稀少同零光害,係觀賞北極光嘅理想地點!行程其中2晚入住有「極光酒店」之稱嘅Kakslauttanen Arctic Resort,瞓喺去年底新建成嘅玻璃圓頂木屋度,零死角觀賞點點星同閃礫北極光!試過玻璃圓頂木屋嘅阿明都大讚房內設施一流,既可以暖笠笠,舒舒服服瞓喺床上追光,又可以於房內享受傳統芬蘭浴,歎完仲可以圍住壁爐飲酒,認真爽!而玻璃屋頂有自動溶雪功能,睡床亦可調節斜度,毋須擔心賞北極光效果。我同阿明每次講起透過圓頂玻璃,望到北極光係天上恍如狐狸尾巴,帶住綠色幻光飛舞嘅情景,都會好雀躍,好感動!

13

photo 2

Iglu (12)

2鹿車雪地夜行追極光

除咗住玻璃屋睇北極光,喺Lapland仲有好多值得一試嘅雪地活動,比較難忘嘅有馴鹿拉雪車!日頭玩馴鹿拉車你就見得多,今次行程更包埋約2小時嘅夜間馴鹿拉車追光之旅,超特別!從酒店出發,坐上由資深工作人員操作嘅馴鹿車,佢哋更識得觀天象追極光,跟住佢出哋出發實無衰。坐係雪橇上一邊感受大自然嘅鬼斧神工,一邊穿梭雪地森林⋯⋯咁正嘅經驗,一場嚟到雪國芬蘭無理由miss 咗啩?

追蹤極光小貼士:
要睇到北極光,既要留意是否天朗氣清、無雲、無雨、無落雪嘅晚上,亦要留意代表極光可見範圍覆蓋率嘅KP值。KP值越高,即極光越明顯,一般嚟講,氣象局預測KP值達到4至5,即可看到極光!如果好彩遇上KP值6至7嘅超強極光,抬頭就可以望到奇幻嘅七彩極光!一般嚟講9至10月同2至3月最大機會見到極光!

 

 Levi Lapland reindeer1 DE2

  2016 08 05 4.20.13

3坐破冰船再掟自己落海

睇北極光係浪漫嘅,但如果要夠新奇,我阿佳強烈建議你一定要跟package乘坐破冰船!呢個行程於中午凱米Kemi登上三寶號破冰船,先參觀破冰船嘅渦輪房同駕駛室,仲可以同船長交流,稍後乘客更可於甲板一睹船頭破開堅硬冰層嘅壯觀場面。最叫人期待嘅就係穿上特製全身防水保暖橡皮衣,再掟自己落海,試試浮沉冰海滋味,不過唔洗擔心,整個過程相當安全,玩過朋友都會大嗌過癮!喺冰海游完水,你仲有自由時間係厚厚嘅冰層上慢步,感受雪國嘅浩瀚。

 sampo icebreaker swimmer

 

sampo030

4)冰湖垂釣考耐性

鍾意靜態活動嘅,一定要試試冰湖垂釣。行程安排專人用雪地電單車送你去冰湖,於暖和嘅日照下,展開別開新面嘅冰湖垂釣。可能我係雙魚座比較受魚歡迎,上次等咗半個鐘就有魚上釣!唔鍾意釣魚,亦可以試下Husky雪橇拉車、馴鹿牧人體驗等雪上活動。雖然好多活動都喺室外進行,但佢哋都會提供禦寒衣物,包你夠暖!

 

finland icefishing11 1

 

5做小精靈 兼潮拜聖誕老人

北極光以外,相信芬蘭最出名嘅一定係聖誕老人。去到位於Rovaniemi羅凡尼米嘅聖誕老人村,肥嘟嘟嘅聖誕老人會同你影合照,你仲可以叫佢寄封蓋上特有嘅北極圈郵戳嘅聖誕卡畀你,極具紀念價值。喺聖誕老人村,亦可以cos-play成聖誕老人嘅小精靈助手,穿上精靈服裝,化鬼馬精靈妝,大玩自拍;更有由專業攝影師操刀嘅60張相片,為你拍吓同聖誕老人相處嘅溫馨一幕!

 shop Christmas House2 (1)

 

elves rovaniemi 27small e73u

6必逛聖誕市集

旅程上,點都要買啲手信招呼親朋戚友,成個芬蘭都遍佈好多唔同嘅傳統聖誕市集,不單可以感受濃厚嘅聖誕氣氛,更可以買到本土手工藝品同品嘗節日限定嘅傳統糕點、熱湯。市集嘅聖誕燈飾,加上不定時演出嘅現場音樂,令整個浪漫氣氛升溫,情侶一定覺得份外浪漫!

 

 photo 10

7醉人燈光節

皚皚白雪嘅聖誕老人村係正嘅,但Helisinki赫爾辛基燈光節都唔嘢少!每年1月初舉行,去到2017年已經係第9屆。來自芬蘭以至全球嘅藝術家會將市內多處建築面外牆,幻化身成燈光藝術嘅畫布。由於北歐嘅黑夜特別黑,加上地上嘅白雪反射七彩燈光,喺赫爾辛基欣賞到嘅燈光藝術,可以話係世上最特別嘅!

 

Lux Helsinki 2016 He olivat taalla Photo Lauri Rotko 1 1

 

 

睇完芬蘭7件事,係咪好想去幸福一下呢?即睇以下套票詳情plan定出發!

芬蘭7天5夜追蹤北極光套票:
住宿:2 晚赫爾辛基  + 2晚玻璃屋連早晚餐
已包:追蹤北極光馴鹿拉車之旅
詳情:http://goo.gl/nu0hvr

芬蘭6天4破冰船之旅套票:
住宿:1晚赫爾辛基 + 3 晚羅凡尼米
已包:破冰船之旅連午餐  
詳情: https://goo.gl/N7ZjG4


熱門城市